弧疑 - Orphan

好耐都冇膽量睇驚嚇片，今次鼓起勇氣睇，睇完之後右手好疲累，因為要一路半庶著隻眼，哈哈．

個女仔好變態，結局都有少少出人意表，但係就將所有野變番合情合理，睇完之後，出緊戲院時都仲係陣緊，~~@.@~~

故事初段，用了很多時間鋪排，有少少悶，但後段就愈來愈緊張，愈來愈變態，亦都愈來愈擔心那些可愛既小朋友既性命，真係一套好緊張既戲，值得睇！！

東涌 - 東薈城名店倉

尋日去左東涌, 睇下有咩平貨執, 係Dickson house 到見到 Sisley 超平既衫 1折．即刻買左佢．

其他国家既 outlet就真係好似垃圾堆咁，但香港既outlet 就十分乾淨同埋整潔，基本上，如果個名唔係寫住 outlet．入到去跟本同出面既大型商場冇分別．樓底又高，冷氣超勁，名店臨立．

不過如果真係想入貨黎賣野，呢度不是好地方，找到超平貨機會唔大，買黎自用還可以，應該平過出面零售價，但係大部份都係舊款，同埋係賣唔去既 size．

係 Polo 既 size 好多都係大碼或者係 Extra large．外國人

既size ，

Nike outlet 就有好多舊款波鞋，跑鞋，好多都減到一半，$6xx 減 $3xx, 仲要係有nike pulse 既款, 可以記錄跑步速度，卡路里等,　 如果成日都跑爛晒ｄ跑鞋既人就不防係呢度入貨，$2xx 到 $3xx 到 .　超勁抵．

Callaway $3xx 就有件goft 防水質地既長袖V 領 sweater．好靚．出面都要一倍價錢．

商場出面仲有個好大既音樂噴水池, D小朋友好鍾意跑埋去俾水噴，見到

佢地又要驚又要噴，真係好攬笑．

呢度間金滬庭比其他分店好食，今次同上一次都係，可能佢地既廚師比較用ｈｅａｒｔ啦．

總括而然，呢度都係一個好地方．睇戲都少人ｄ．仲有好多外国人係露天酒巴到飲酒，睇住個中央廣場，好鍾意呢種寫意感覺．

佐敦 - 同昌商業大廈

這裡就在恆福商業大廈隔壁，一去到，首先係見到長長的樓梯，要行上去，先搭到升降機，仲有個牛高馬大既保安企係果度，好似保衛深嚴咁，即時掃掉了一大半掃貨既興致，

基本上同恆福商業大廈差不多格局，但真係感覺不太好，亦不願逗留得太久，所以沒什麼好介紹，如果時間不可許，這裡大可不用去了．

佐敦 - 恆福商業大廈

呢個批發場係專賣日本韓國時裝, 有少量歐洲時裝, 有十幾層樓, 每層只得一，兩間鋪頭，跟荔枝角的香港工業中心真係好大分別，那裡只得三層，但每層有成幾十間鋪，地方非常之大，而且人流非常之多，氣氛像出入口轉口港，龍蛇混集．

而這裡，氣氛顯然休閒得多，人流亦少，格局中上，每格鋪陳設像商場鋪一樣，播放的音樂亦沒有荔枝角般彭拜，斯文優靜得多．

可是價格就沒荔枝角那麼吸引．款式和質地則普遍較優，若主攻中上客人既話，這裡的貨也不錯．

值得一提是，附近條街，有一間出口店，那裡貨色也不錯呀，很適合中環的上班族，而且都係$6x - $100, 那裡的款跟，Veeko, wanko, michelle 差不多呀．．好平呀！！！．．自用或入貨都可以呢！！